തിരുവനന്തപുരം : ട്രോളിംഗ് നിരോധന കാലയളവിൽ
ദിവസവേതനാടിസ്ഥാനത്തിൽ തിരുവനന്തപുരം ജില്ലയിൽ മുതലപ്പൊഴിയിൽ ഫിഷറീസ് വകുപ്പ് റസ്ക്യൂ ബോട്ടുകളിലേക്ക് ലൈഫ് ഗാർഡ്/കടൽ രക്ഷാ ഗാർഡുമാരെ
നിയമിക്കുന്നു.
അപേക്ഷകർ രജിസ്ട്രേഡ് മത്സ്യത്തൊഴിലാളികളും ഗോവ
നാഷണൽ ഇൻസ്റ്റിറ്റ്യൂട്ട് ഓഫ് വാട്ടർ സ്പോർട്ട്സ് പരിശീലനം
പൂർത്തിയാക്കിയവരും 20 വയസ്സിനും 45 വയസ്സിനും മധ്യേ
പ്രായമുള്ളവരും പ്രതികൂല കാലാവസ്ഥയിലും കടലിൽ നീന്താൻ
ക്ഷമതയുള്ളവരുമായിരിക്കണം.
കടൽ രക്ഷാ പ്രവർത്തനങ്ങളിൽ
മുൻപ് പരിചയമുള്ളവർക്ക് മുൻഗണന . കൂടാതെ സീ റസ്ക്യൂ സ്ക്വാഡ്/ ലൈഫ്ഗാർഡ് ആയി ജോലി നോക്കിയിട്ടുള്ള
പ്രവൃത്തി പരിചയം, തിരുവനന്തപുരം ജില്ലയിലെ താമസക്കാർ, 2018 ലെ
പ്രളയരക്ഷാപ്രവർത്തനത്തിൽ പങ്കെടുത്തവർ എന്നിവർക്കും മുൻഗണന
ഉണ്ടായിരിക്കുന്നതാണ്.
താല്പര്യമുള്ളവർ അസിസ്റ്റന്റ് ഡയറക്ടർ ഓഫ് ഫിഷറീസ്, വിഴിഞ്ഞം കാര്യാലയത്തിൽ വെള്ളിയാഴ്ച വൈകുംന്നേരം 3 മണിക്ക് മുന്നോടിയായി ബയോഡാറ്റ, തിരിച്ചറിയൽ കാർഡിന്റെ പകർപ്പ്,മത്സ്യത്തൊഴിലാളി ക്ഷേമനിധി ബുക്ക്, യോഗ്യത, മുൻപരിചയം എന്നിവ ഫിഷറീസ് അസിസ്റ്റൻറ് ഡയറക്ടർ,ഫിഷറീസ് സ്റ്റേഷൻ, വിഴിഞ്ഞം എന്ന അഡ്രസിൽ യോഗ്യതകൾ തെളിയിക്കുന്ന രേഖകൾ സഹിതം അപേക്ഷ സമർപ്പിക്കേണ്ടതാണ്.
