സംസ്ഥാനത്ത് സ്വർണ വില വീണ്ടും ഉയർന്നു. 120 രൂപ വർധിച്ച് ഒരു പവൻ സ്വർണത്തിന് ഇന്ന് 35,440 രൂപയാണ് വില. ഒരു ഗ്രാമിന് 4,430 രൂപയും. രാജ്യാന്തര വിപണിയിലും സ്വർണ വില ഉയർന്നു. സ്‌പോട് ഗോൾഡ് ട്രോയ് ഔൺസിന് 1,784.30 ഡോളറാണ് വില. ഈ മാസം ഇതുവരെ സ്വർണത്തിന് 2680 രൂപയിലധികമാണ് കൂടിയത്.അതേസമയം കഴിഞ്ഞ രണ്ട് ദിവസമായി സ്വർണ വിലയിൽ വൻ ഇടിവാണുണ്ടായത്.
രണ്ട് ദിവസംകൊണ്ട് സ്വർണത്തിന് 360 രൂപയാണ് കുറഞ്ഞത്. ഈ മാസം തുടക്കം മുതൽ ഇന്നുവരെ സ്വർണ വിലയിൽ വലിയ ചാഞ്ചാട്ടമാണ് ഉണ്ടായത്. ഏപ്രിൽ 22ന് സ്വർണ വില ഈമാസത്തെ ഏറ്റവും ഉയർന്ന നിരക്കിലായിരുന്നു. പവന് 36,080 രൂപയായിരുന്നു വില. അതിന് ശേഷമുള്ള മൂന്ന് ദിവസങ്ങളിൽ സ്വർണ വില മാറ്റമില്ലാതെ തുടർന്നു.
About the Author
