പൂവാർ: നെയ്യാറിൽ സുഹൃത്തുകളുമൊത്ത് മദ്യപിച്ച് ബോട്ട് സവാരി നടത്തിയ സി.പി.എം പ്രാദേശിക നേതാക്കളെ പൂവാർ പൊലീസ് അറസ്റ്റ് ചെയ്തു. പൂവാർ പൊലീസ് നടത്തിയ പരിശോധനയിലാണ് ഇവർ അറസ്റ്റിലായത്. കരുംകുളം സ്വദേശികളും മത്സ്യത്തൊഴിലാളി യൂനിയൻ (സി.ഐ.ടി.യു) ഏരിയ പ്രസിഡന്റ് മാർട്ടിൻ, സെക്രട്ടറി യേശുരാജൻ, ട്രഷറർ തങ്കച്ചൻ എന്നിവരാണ് പിടിയിലായത്. സി.ഐ.ടി.യു ജില്ല ടൂറിസ്റ്റ് ബോട്ട് ഡ്രൈവേഴ്സ് ആൻഡ് വർക്കേഴ്സ് യൂനിയൻ സെക്രട്ടറി കൂടിയാണ് ബോട്ട് ഡ്രൈവറായ തങ്കച്ചൻ. ഞായറാഴ്ച വൈകീട്ട് നാലോടെയാണ് സംഭവം. പൂവാർ എസ്.ഐ റസൽ രാജിന്റെ നേതൃത്വത്തിൽ നെയ്യാറിലെ അനധികൃത ബോട്ട് സവാരിക്കെതിരെ നടത്തിയ പരിശോധനക്കിടെയാണ് ഇവർ പിടിയിലായത്.
About the Author
