പഴയ കുന്നുമ്മേൽ ഫാമേഴ്സ് സോഷ്യൽ വെൽഫെയർ സഹകരണ സംഘം ക്ലിപ്തം നമ്പർ T 2244 നവീകരിച്ച പുതിയ കെട്ടിടത്തിന്റെ ഉദ്ഘാടനം ആറ്റിങ്ങൽ എം. എൽ. എ ഒ. എസ്. അംബിക നിർവഹിച്ചു. സ്ട്രോങ്ങ്‌ റൂമിന്റെ ഉദ്ഘാടനം കിളിമാനൂർ ബ്ലോക്ക് പഞ്ചായത്ത് പ്രസിഡന്റ്‌ബി. പി. മുരളിയും വായ്പ വിതരണ ഉദ്ഘാടനം കേരള മിനറൽസ് കോർപറേഷൻ ചെയർമാൻ മടവൂർ അനിലും നിർവഹിച്ചു. സംഘം പ്രസിഡന്റ് ഇ. ഷാജഹാൻ അധ്യക്ഷത വഹിച്ച യോഗത്തിൽ ഭരണ സമിതി അംഗം ആർ. കെ. ബൈജു സ്വാഗതം ആശംസിച്ചു. സിപിഐഎം കിളിമാനൂർ ഏരിയ സെക്രട്ടറി അഡ്വ. എസ്. ജയചന്ദ്രൻ, പഴയ കുന്നമ്മേൽ സർവീസ് സഹകരണ ബാങ്ക് പ്രസിഡന്റ് എൻ. സുദർശൻ, കിളിമാനൂർ കാർഷിക ബാങ്ക് പ്രസിഡന്റ് എം. ഷാജഹാൻ,കിളിമാനൂർ ബ്ലോക്ക് പഞ്ചായത്ത് മെമ്പർ ജെ.സജി കുമാർ എന്നിവർ ആശംസ അറിയിച്ചു.
