അനധികൃതമായി കരമണ്ണ് കടത്ത് മാഫിയ കല്ലമ്പലത്ത് വീണ്ടും സജീവമായതിനെത്തുടര്‍ന്നു നടത്തിയ അന്വേഷണത്തിന്റെ ഭാഗമായി നടത്തിയ രഹസ്യ നീക്കത്തിലാണ് 13.06.2022 തീയതി പുലര്‍ച്ചെ കല്ലമ്പലം പോലീസ് സ്റ്റേഷന്‍ അതിര്‍ത്തിയില്‍ നിന്നും പിടിച്ചെടുത്തത്. സ്റ്റേഷന്‍ ഹൌസ് ഓഫീസര്‍ ഫാറോസ് ഐ യ്ക്കു ലഭിച്ച രഹസ്യ വിവരത്തെത്തുടര്‍ന്നു പറങ്കിമാംവിള എന്ന സ്ഥലത്തു നിന്നുമാണ് കരമണ്ണ് നിറച്ച 5 ടിപ്പര്‍ലോറികളും ഒരു JCB യും പിടിച്ചെടുത്തത്. സ്ഥലത്ത് കഴിഞ്ഞ കുറെ കാലമായി ഇല്ലാതിരുന്ന മണല്‍ കടത്ത് സംഘമാണ് വീണ്ടും സജീവമാകാന്‍ ശ്രമിച്ചത്. കല്ലമ്പലം പോലീസിന്റെ സമയോചിതമായ ഇടപെടല്‍മൂലമാണ് കരമണ്ണ് കടത്ത് സംഘത്തെ പിടികൂടാനായത്. ഈ വര്‍ഷം ആകെ 26 മണല്‍ലോറികളും 8 JCB കളുമാണ് കല്ലമ്പലം സ്റ്റേഷന്‍ പരിധിയില്‍ പിടികൂടിയത്. പിടിച്ചെടുത്ത മണ്ണ് ടിപ്പര്‍ലോറികളും JCB യും നടപടികള്‍ക്കായി മൈനിങ് & ജിയോളജി വകുപ്പിന് കൈമാറി. കല്ലമ്പലം SHO ഫാറോസ്.ഐ യുടെ നേതൃത്വത്തില്‍ എസ്‌ഐ ശ്രീലാല്‍ ചന്ദ്രശേഖരന്‍, ASI സലീം CPO മാരായ ആകാശ്,അജില്‍ ,ജാസിം എന്നിവരാണ് മണ്ണ് ലോറികള്‍ പിടിച്ചെടുത്തത്.
