ഭൂവനേശ്വർ: വലിയ പ്രതീക്ഷകളുമായി സന്തോഷ് ട്രോഫി ഫുട്ബോളിനെത്തിയ കേരളം സെമി പോലും കാണാതെ പുറത്തായി. നിലവിലുള്ള ചാമ്പ്യൻമാരായ കേരളം പഞ്ചാബിനോട് സമനില വഴങ്ങിയതോടെയാണ് സെമി കാണില്ലെന്ന് ഉറപ്പായത്. ജയിച്ചാൽ മാത്രം സെമി സാധ്യതകൾ സജീവമാക്കാം എന്ന പ്രതീക്ഷയുണ്ടായിരുന്ന മത്സരത്തിലാണ് കേരളം സമനില വഴങ്ങിയത്. ജയിച്ചാൽ പോലും മറ്റു മത്സരങ്ങളുടെ കൂടി ഫലത്തെ അടിസ്ഥാനമാക്കിയായിരുന്നു കേരളത്തിൻറെ സാധ്യതകൾ. പഞ്ചാബിനോട് 1-1 എന്ന നിലയിൽ സമനില വഴങ്ങിയതോടെ എല്ലാ പ്രതീക്ഷകളും അവസാനിച്ചു.പെനാൽട്ടി ഗോളിൽ ആതിഥേയരെ മറികടന്നു; സന്തോഷ് ട്രോഫിയിൽ കേരളത്തിന് നിർണായക ജയംവിജയം ലക്ഷ്യമിട്ട് മത്സരത്തിന്റെ തുടക്കം മുതൽ കേരളം ആക്രമിച്ച് കളിച്ചെങ്കിലും പ്രതീക്ഷിച്ച ഫലം നേടാനായില്ല. മത്സരത്തിൻെറ 24ാം മിനിറ്റിൽ വിശാഖ് മോഹനനാണ് കേരളത്തിനുവേണ്ടി ഗോളടിച്ചത്. ഒരു ഗോൾ ലീഡിന്റെ ബലത്തിൽ തികഞ്ഞ ആത്മവിശ്വാസത്തിൽ കേരളം കളിച്ചുവെങ്കിലും പ്രത്യാക്രമണ ഫുട്ബോളാണ് പഞ്ചാബ് പുറത്തെടുത്തത്. കിട്ടുന്ന അവസരങ്ങളിൽ ആക്രമിക്കുക എന്നതായിരുന്നു പഞ്ചാബിന്റെ രീതി. കേരളത്തിൻറെ ഒരു ഗോൾ ലീഡിന് വെറും 10 മിനിറ്റ് മാത്രമേ ആയുസ്സ് ഉണ്ടായിരുന്നുള്ളൂ. 34ാം മിനിറ്റിൽ പഞ്ചാബിന്റെ മറുപടി വന്നു. രോഹിത് ഷെയ്ഖ് ആണ് പഞ്ചാബിന് വേണ്ടി ഗോൾ അടിച്ചത്.സന്തോഷ് ട്രോഫി; എട്ട് ഗോൾ ത്രില്ലറിൽ മഹാരാഷ്ട്രയെ സമനിലയിൽ തളച്ച് കേരളംമത്സരത്തിന്റെ രണ്ടാം പകുതിയിൽ ഗോളുകൾ ഒന്നും തന്നെ പിറന്നില്ല. കേരളം തന്നെയാണ് കടുത്ത ആക്രമണം വീണ്ടും അഴിച്ചുവിട്ടത്. എന്നാൽ പഞ്ചാബ് പ്രതിരോധത്തെ മറികടക്കാൻ കേരളത്തിൻറെ ആക്രമണനിരക്ക് സാധിച്ചില്ല. കഴിഞ്ഞ മത്സരത്തിൽ ഒഡീഷയെ എതിരില്ലാത്ത ഒരു ഗോളിന് കേരളം തോൽപ്പിച്ചിരുന്നു. ഈ വിജയം ടീമിന് വലിയ പ്രതീക്ഷയും നൽകിയതാണ്. അതിനുമുമ്പ് നടന്ന മത്സരത്തിൽ മഹാരാഷ്ട്രയുമായി 4-4 എന്ന നിലയിൽ സമനില പിടിക്കുകയാണ് ചെയ്തത്. 3 ഗോളുകൾക്ക് പിന്നിട്ട് നിന്നതിന് ശേഷമാണ് ആ മത്സരത്തിൽ കേരളം അത്ഭുതകരമായി സമനില പിടിച്ചത്.
About the Author
