കോവിഡ് അണുബാധയ്ക്ക് ശേഷം ഒരു സാധാരണ കോശത്തിലെ ക്രൊമാറ്റിന്‍ രൂപഘടനയില്‍ ചില വ്യതിയാനങ്ങള്‍ കാണാനായെന്ന് ഗവേഷണത്തിന് നേതൃത്വം നല്‍കിയ വെന്‍ബോ ലീ പറയുന്നു. ഈ വ്യതിയാനം ചില പ്രധാനപ്പെട്ട ജീനുകളില്‍ മാറ്റത്തിന് കാരണമാകും. ഇന്‍റര്‍ലൂക്കിന്‍-6 പോലുള്ള ഇന്‍ഫ്ളമേഷന്‍ ജീനില്‍ വരുന്ന മാറ്റം കടുത്ത കോവിഡ് അണുബാധയുള്ളവരില്‍ സൈറ്റോകീന്‍ അതിപ്രസരത്തിന് കാരണമാകും. രക്തത്തിലേക്ക് ശരീരം അമിതമായ തോതില്‍ സൈറ്റോകീനുകളെ അഴിച്ചുവിടുന്ന കടുത്ത പ്രതിരോധ പ്രതികരണത്തെയാണ് സൈറ്റോകീന്‍ പ്രവാഹമെന്ന് പറയുന്നത്. ഇത് പല ആന്തരികാവയവങ്ങളെയും അപകടപ്പെടുത്താം.
ജീനുകളിലും ഫീനോടൈപ്പുകളിലും ദീര്‍ഘകാല മാറ്റങ്ങള്‍ക്കും അണുബാധ വഴിവയ്ക്കാമെന്ന് സഹഗവേഷകനായ സിയോയി യുവാന്‍ കൂട്ടിച്ചേര്‍ക്കുന്നു. ദീര്‍ഘകാല കോവിഡ് ലക്ഷണങ്ങളുമായെല്ലാം ഈ ജനിതക ഘടനയിലെ മാറ്റങ്ങള്‍ക്ക് ബന്ധമുണ്ടാകാമെന്ന് ഗവേഷകര്‍ അനുമാനിക്കുന്നു. നേച്ചര്‍ മൈക്രോബയോളജി ജേണലിലാണ് ഗവേഷണഫലം പ്രസിദ്ധീകരിച്ചത്.
Posted inHealth
കോവിഡ് അണുബാധ ജീനുകളുടെ ഘടനയില്‍ മാറ്റം വരുത്തുമെന്നു പഠനം
Posted by
No Comments
No Comments
