തിരുവനന്തപുരം: പാലോട്ട് ഒരു വീട്ടിൽ നിന്നും 75 അണലിക്കുഞ്ഞുങ്ങളെ പിടികൂടി.
പാലോട് നന്ദിയോട് രാഹുൽ ഭവനിൽ ബിന്ദുവിന്റെ വീട്ടിൽ നിന്നാണ് പാമ്പുപിടുത്തക്കാരി നന്ദിയോട് രാജി
8 മണിക്കൂർ പരിശ്രമിച്ചാണ് അണലിക്കുഞ്ഞുങ്ങളെ പിടികൂടിയത്.
ഞായർ രാത്രി നായ ബഹളം ഉണ്ടാക്കുന്നത് പരിശോധിച്ചപ്പോഴാണ് വലിയ അണലിയെ വീട്ടുകാർ കാണുന്നത്. തുടർന്ന് പാമ്പിനെ കാണാതായി. ഇന്നലെ രാവിലെ വീടിന്റെ പരിസരത്ത് അണലിക്കുഞ്ഞുങ്ങളെ കണ്ടെത്തി.തുടർന്ന് നന്ദിയോട് രാജിയെ വിവരം അറിയിച്ചു. രാജി നടത്തിയ തിരച്ചിലിലാണ് 75 അണലിക്കുഞ്ഞുങ്ങളെ കണ്ടെത്തിയത്. രാവിലെ 10 മണിമുതൽ ആരംഭിച്ച തിരച്ചിൽ വൈകിട്ട് 6 മണിവരെ തുടർന്നാണ് കുഞ്ഞുങ്ങളെ എല്ലാം പിടികൂടിയതെന്ന് രാജി പറയുന്നു. എന്നാൽ അമ്മ അണലിയെ കണ്ടെത്താൻ കഴിഞ്ഞില്ല. പിടികൂടിയ പാമ്പുകളെ പാലോട് വനംവകുപ്പിനു കൈമാറി.
