തിരുവനന്തപുരം:
സര്ക്കാര് ഓഫീസുകളുടെ പ്രവര്ത്തി ദിനം ആഴ്ചയില് അഞ്ച് ദിവസമാക്കാന് സര്ക്കാര് ആലോചന. ഇത് സംബന്ധിച്ച കാര്യങ്ങള് ആലോചിക്കാന് സര്ക്കാര് സര്വീസ് സംഘടനകളുടെ യോഗം വിളിച്ചു. സെപ്തംബർ 11 നാണ് യോഗം.
ചില നിര്ദേശങ്ങള് സര്ക്കാരിന്റെ മുന്നില് വന്നതിന്റെ അടിസ്ഥാനത്തിൽ സര്ക്കാര് സര്വീസ് സംഘടനകളുടെ യോഗം വിളിച്ചിരിക്കുകയാണ്. ഒരു സര്വീസ് സംഘടനയില് നിന്നും രണ്ട് പ്രതിനിധികള് വീതം യോഗത്തില് പങ്കെടുക്കാനാണ് കത്തില് നിര്ദേശം നല്കിയിരിക്കുന്നത്.
