കേന്ദ്ര സർക്കാരാഫീസിനു മുന്നിൽ തൊഴിലാളികളുടെ പ്രതിഷേധം. നിർമ്മാണ തൊഴിലാളികളുടെ രണ്ടു ദിവസത്തെ അഖിലേന്ത്യാ പണിമുടക്ക് ആരംഭിച്ചു.നിർമ്മാണ തൊഴിലാളികളുടെ പെൻഷൻ ബാധ്യത കേന്ദ്ര സർക്കാർ ഏറ്റെടുക്കുക, നിർമ്മാണ തൊഴിലാളികളുടെ സെസ് നിയമം സംരക്ഷിക്കുക, സിമൻ്റ്, കമ്പി തുടങ്ങിയ നിർമ്മാണ സാധന സാമഗ്രികളുടെ വിലക്കയറ്റം തടയുക തുടങ്ങിയ ആവശ്യങ്ങൾ ഉന്നയിച്ചു കൊണ്ട് അഖിലേന്ത്യ കൺസ്ട്രക്ഷൻ വർക്കേഴ്സ് ഫെഡറേഷൻ്റെ (സിഐറ്റിയൂ ) നേതൃത്വത്തിൽ ഡിസം;2,3 തീയതികളിലായി നടത്തുന്ന പണിമുടക്കിനോടനുബന്ധിച്ച് കേന്ദ്ര സർക്കാരാഫീസുകളിലേയ്ക്ക് മാർച്ചും ധർണ്ണയും നടത്തി. ആറ്റിങ്ങൽ ഹെഡ് പോസ്റ്റാഫീസിനു മുന്നിലെ പ്രതിക്ഷേധ ധർണ്ണ സിഐറ്റിയു സംസ്ഥാന കമ്മറ്റിയംഗം ആർ.സുഭാഷ് ഉദ്ഘാടനം ചെയ്തു. എം.മുരളി അദ്ധ്യക്ഷത വഹിച്ചു. സിഐറ്റിയു സംസ്ഥാന കമ്മറ്റിയംഗം അഡ്വ. ആറ്റിങ്ങൽ ജി സുഗുണൻ, സിഐറ്റിയു ഏര്യാ സെക്രട്ടറി അഞ്ചുതെങ്ങ് സുരേന്ദ്രൻ, അനിൽ കാരേറ്റ്, വിജയൻ, എസ്.രജു, സി.പ്രഭാകരൻ, എസ്.എ.ഹാരീസ്, എം.ബിനു, ആർ.എസ്.അരുൺ, കെ.മോഹൻദാസ്, ആർ. ചന്ദ്രൻ ,കെ. നളിനാക്ഷൻ, ബാബു കുട്ടൻ, തുടങ്ങിയവർ സംസാരിച്ചു.
About the Author
