എഡ്യൂസ്പോട്ട് പെരുമാതുറ ഫ്രഷേഴ്സ് ഡേ നടത്തി

എഡ്യൂസ്പോട്ട് പെരുമാതുറയുടെ അഞ്ചാമത്തെ ബാച്ചിന് സ്വാഗതം ചെയ്തുകൊണ്ട് ഫ്രഷേഴ്സ് ഡേ നടത്തി. പുതിയതായി അറുപതോളം കുട്ടികളാണ് പുതിയ ബാച്ചിൽ ചേർന്നിട്ടുള്ളത്. കിംസ് ചെയർമാൻ ഡോ: സഹദുള്ള ഓൺലൈനിലൂടെ ഉദ്ഘാടനം നിർവഹിച്ചു കുട്ടികളോട് സംസാരിച്ചു. എഡ്യൂസ്പോട്ട് ട്രഷറർ ഷഹീൻ അധ്യക്ഷത വഹിച്ച പ്രോഗ്രാമിൽ ആശംസകൾ അറിയിച്ചുകൊണ്ട് എഡ്യൂസ്പോട്ട് അഡ്വൈസറി കൗൺസിൽ അംഗങ്ങളായ ശ്യാമളകുമാരി ടീച്ചർ, ഗാന്ധിയൻ ഉമ്മർ സാർ, ഹുഫൈസ് , വിദ്യാർത്ഥി പ്രതിനിധി ജിസ്ന എന്നിവർ സംസാരിച്ചു. സീനിയർ കുട്ടികൾ മധുരം നൽകിയും സമ്മാനങ്ങൾ നൽകിയും കലാപരിപാടികൾ അവതരിപ്പിച്ചും പുതിയ കുട്ടികളെ സ്വീകരിച്ചു. രക്ഷിതാക്കളും സന്നിഹിതരായ പ്രോഗ്രാമിൽ പ്രൊജക്റ്റ് കോർഡിനേറ്റർ അഹമദ് സാജിദ് സ്വാഗതം ആശംസിക്കുകയും യാസർ അബ്ദുറസാഖ് നന്ദി പ്രകാശിപ്പിക്കുകയും ചെയ്തു.