ആറ്റിങ്ങൽ: കച്ചേരിനട കേന്ദ്രീകരിച്ച് പ്രവർത്തിക്കുന്ന ചില്ലീസ് ഫാമിലി റെസ്റ്റോറന്റിൽ നിന്നാണ് മലിന ജലം പൊതു നിരത്തിലേക്ക് ഒഴുക്കിവിട്ടത്. സമീപവാസികളുടെ പരാതി ലഭിച്ചതിനെ തുടർന്ന് നഗരസഭ ആരോഗ്യ വിഭാഗം സ്ഥലത്തത്തി പരിശോധന നടത്തി. അന്വേഷണത്തിൽ സ്ഥാപനത്തിനുള്ളിൽ നിന്നുള്ള മലിന ജലം ഒഴുകുന്നതായി ശ്രദ്ധയിൽപ്പെട്ടു. അതീവ ദുർഗന്ധം വമിക്കുന്നതിനാൽ സമീപ പ്രദേശത്ത് പ്രവർത്തിക്കുന്ന ബാങ്ക് ഉൾപ്പടെയുള്ള നിരവധി സ്ഥാപനങ്ങൾ പ്രതിസന്ധിയിലായി.
ഹോട്ടലിലെ മലിനജല നിർമ്മാർജന സംവിധാനം ശരിയാക്കിയ ശേഷം മാത്രമേ സ്ഥാപനം തുറന്ന് പ്രവർത്തിക്കാൻ അനുവദിക്കു. നഗരത്തിൽ ആഹാര സാധനങ്ങൾ പാകം ചെയ്ത് വിൽക്കുന്ന ഏതൊരു സ്ഥാപനത്തിലെയും ശുചിത്വം വളരെ പ്രധാനമാണ്. അതിനാൽ ഇത്തരം പരാതികൾ ലഭിക്കുന്നവർക്കെതിരെ ലൈസൻസ് റദ്ദ് ചെയ്യുന്നതടക്കമുള്ള കർശന നടപടികൾ സ്വീകരിക്കുമെന്നും ചെയർപേഴ്സൺ അഡ്വ.എസ്.കുമാരി അറിയിച്ചു.
ഹെൽത്ത് സൂപ്പർവൈസർ ബി.അജയകുമാറിന്റെ നിർദ്ദേശപ്രകാരം ജൂനിയർ ഇൻസ്പെക്ടർമാരായ എ.എൽ.ഹാസ്മി, എൽ.എസ്. ഷെൻസി എന്നിവരാണ് പരിശോധനക്ക് നേതൃത്വം വഹിച്ചത്.
About the Author
