നെടുമങ്ങാട്: നെടുമങ്ങാട്ജില്ല ആശുപത്രിയുടെ പ്രധാന കെട്ടിടത്തിന്റെ മേല്‍ക്കൂരയില്‍ സ്ഥാപിച്ചിരിക്കുന്ന ടിന്‍ഷീറ്റുകള്‍ കാറ്റില്‍ പറന്നു വീണ് അപകടമുണ്ടാക്കുന്നു. ആശുപത്രി സൂപ്രണ്ടിന്റെ മുറിയുടെ മുകളിലെ ഷീറ്റുകളാണ് കഴിഞ്ഞദിവസത്തെ കാറ്റില്‍ ഇളകിപ്പറന്നത്. വര്‍ഷങ്ങള്‍ പഴക്കമുള്ള ഈ കെട്ടിടം ചോര്‍ന്നൊലിക്കാന്‍ തുടങ്ങിയതോടെയാണ് മുകളില്‍ നിലവാരം കുറഞ്ഞ ടിന്‍ഷീറ്റ് മേഞ്ഞത്. എന്നാല്‍ കൃത്യമായ സംവിധാനങ്ങളില്ലാതെ ഷീറ്റിട്ടതിനാല്‍ അധികം താമസിയാതെ തന്നെ ഷീറ്റുകള്‍ കാറ്റില്‍ ഇളകി. കഴിഞ്ഞദിവസവും നിരവധി രോഗികളും അവരുടെ കൂട്ടിരിപ്പുകാരും വിവിധ ആവശ്യങ്ങള്‍ക്കായി സൂപ്രണ്ട് ഓഫിസിലെത്തിയവരും നില്‍ക്കെയാണ് ഷീറ്റുകള്‍ ഇളകിവീണത്.
About the Author
