ആറ്റിങ്ങൽ നഗരസഭ സംഘാടകസമിതി ചെയർമാൻ എം. പ്രദീപ് അധ്യക്ഷത വഹിച്ച ഉദ്ഘാടന സമ്മേളനത്തിൽ ജനറൽ കൺവീനർ നന്ദൻ എം. എ സ്വാഗതം ആശംസിച്ചു. കായികമേളയുടെ ഉദ്ഘാടനം ആറ്റിങ്ങൽ നിയോജക മണ്ഡലം എം.എൽ.എ ഒ. എസ്. അംബിക പതാക ഉയർത്തി നിർവഹിച്ചു.
രേഖ എസ്., അഡ്വ. എം. എം. താഹ, പ്രിയ സാബു, ഷമ്മി ബേക്കർ എ., സുധാ ശങ്കർ ആർ. , ശിവരാജ് കെ.,അജിത് സേവിയർ വർഗീസ് അലക്സ് പി. പാപ്പച്ചൻ, അഭിചന്ദ് പി എന്നിവർ സംസാരിച്ചു ജനറൽ സെക്രട്ടറി ബെൻസ് ഹെൻട്രി ജോസഫ് നന്ദി രേഖപ്പെടുത്തി.
തുടർന്ന് കായികമത്സരങ്ങൾക്ക് തുടക്കമായി. പുരുഷ-വനിതാ വിഭാഗങ്ങളിലായി 5000 മീറ്റർ ഓട്ടം, ഷോട്ട്പുട്ട്, 400 മീറ്റർ ഓട്ടം, ഹൈജമ്പ്, 100 മീറ്റർ ഓട്ടം ട്രിപ്പിൾ ജമ്പ് 800 മീറ്റർ ഓട്ടം ഡിസ്കസ് ത്രോ 4 x 100 മീറ്റർ റിലേ ഫുട്ബോൾഎന്നീ ഇനങ്ങൾക്ക്‌ ഇന്ന് തുടക്കമായി.സംസ്ഥാനത്തിന്റെ വിവിധ ഭാഗങ്ങളിൽ നിന്നായി എത്തിയ 108 സർക്കാർ ഐടിഐകളെ പ്രതിനിധീകരിച്ച് 1300-ഓളം കായികതാരങ്ങൾ മത്സരങ്ങളിൽ പങ്കെടുക്കുന്നു.
ജൂൺ 18 വരെ നീണ്ടുനിൽക്കുന്ന കായികമേളയിൽ അത്‌ലറ്റിക്സ്, ഫുട്ബോൾ, വോളിബോൾ, ബാഡ്മിന്റൺ തുടങ്ങി വിവിധ ഇനങ്ങളിലെ മത്സരങ്ങൾ അരങ്ങേറും. കേരളത്തിലെ ഐടിഐ വിദ്യാർത്ഥികളുടെ കായികമികവും കൂട്ടായ്മയും പ്രകടമാക്കുന്ന വേദിയായി സ്പോർട്സ് മീറ്റ് മാറുമെന്ന് സംഘാടകർ അറിയിച്ചു
About the Author
