നെടുമങ്ങാട് :നെടുമങ്ങാട് വില്ലേജിൽ അരശുപറമ്പ് പാപ്പാകോണത്തു വീട്ടിൽ നിന്നും നെടുമങ്ങാട് വില്ലേജിൽ അരശുപറമ്പ് തോട്ടുമുക്ക് പണയിൽ വീട്ടിൽ വാടകക്ക് താമസിക്കുന്ന ഇസക്കി അമ്മാൾ (29), തമിഴ്നാട് സംസ്ഥാനത്ത് തൂത്തൂക്കുടി ജില്ലയിൽ ശങ്കരപ്പേരി പണ്ടാരംപട്ടി 3/191/3-ൽ താമസം അശോക് കുമാർ (32) എന്നിവരെയാണ് നെടുമങ്ങാട് പോലീസ് അറസ്റ്റ് ചെയ്തത്. ഇസക്കി അമ്മാൾ വിവാഹിതയും ഒമ്പതു വയസ്സും മുലകുടി മാറാത്ത ഒന്നര വയസുമുള്ള കുഞ്ഞിനേയും ഉപേക്ഷിച്ച് വിവാഹിതനും മൂന്നരയും ഒന്നരയും വയസുമുള്ള അശോക് കുമാറിനൊപ്പം പോയതിനാണ് ഇവർ പിടിയിലായത്. ഇക്കഴിഞ്ഞ മാസം 26-ാം തിയതി ഇസക്കി അമ്മാളിന്റെ ഭർത്താവായ മുത്തു കുമാർ ഭാര്യയെ കാൺമാനില്ല എന്ന് കാണിച്ച് നെടുമങ്ങാട് പോലിസ് സ്റ്റേഷനിൽ നൽകിയ പരാതിയിൽമേൽ പോലീസ് കേസെടുത്ത് നടത്തിയ അന്വേഷണത്തിൽ തമിഴ് നാട്ടിലെ വിവിധ സ്ഥലങ്ങളിൽ ഒളിവിൽ കഴിഞ്ഞു വന്ന ഇവരെ കോയമ്പത്തൂർ രത്നപുരിയിൽ നിന്നും പിടിയിലായത്. ഒമ്പതാം ക്ലാസൂവരെ ഒരുമിച്ച് പഠിച്ചിരുന്ന ഇസക്കി അമ്മാളും അശോക് കുമാറും പഴയകാല സുഹൃത്തുക്കളും ചേർന്ന് സുഹൃത്ത് സംഗമം സംഘടിപ്പിക്കുകയും വാട്സ് ആപ്പ് ഗ്രൂപ്പ് ആരംഭിക്കുകയും തുടർന്ന് ഫോണിൽ ബന്ധപ്പെട്ട് സൗഹൃദം വളർന്ന് ഒളിച്ചോടുകയുമായിരുന്നു. നെടുമങ്ങാട് DySP എം കെ സുൽഫിക്കറിന്റെ നിർദേശാനുസരണം നെടുമങ്ങാട് പോലീസ് ഇൻസ്പെക്ടർ സന്തോഷ് കുമാറിന്റെ നേതൃത്വത്തിൽ എസ് ഐ സൂര്യ, എ എസ് ഐ നൂറുൽ ഹസൻ, പോലീസുകാരായ പ്രസാദ്, ബാദൂഷ എന്നിവർ ചേർന്നാണ് പ്രതികളെ അറസ്റ്റ് ചെയ്ത് കോടതിയിൽ ഹാജരാക്കിയത്. പ്രതിയെ കോടതി റിമാൻഡ് ചെയ്തു.
About the Author
